Нема коронавирус кај Македонската граѓанка која беше во карантин во Франција

Од Министерството за надворешни работи соопштија дека Македонската државјанка, која со посредство на нашите амбасади во Пекинг и Париз беше евакуирана од кинескиот град Вухан и помина 14 дена во карантин во Франција, се наоѓа во одлична здравствена состојба и поседува соодветна потврда дека не е инфицирана со коронавирусот.

Во координација со амбасадите во Франција и Бугарија , успешно е спроведена постапката за нејзино враќање во земјава.

Македонскиот државјанин, кој има коронавирус и е хоспитализиран во болница во Јапонија, според информациите од МНР, се чувствува добро и е во стабилна здравствена состојба, а Амбасадата во Токио е во постојан контакт со него.

Од МНР истакнуваат дека Амбасадата редовно комуницира и со останатите двајца македонски државјани кои во моментот се наоѓаат во карантин во крузерот „Дајмонд принцец“ во пристаништето во јапонскиот град Јокохама, кои изјавуваат дека се чувствуваат добро и дека досега не пројавиле симптоми кои може да укажуваат на коронавирус.

Leave a Reply

Your email address will not be published. Required fields are marked *

Архива